"მანჩესტერ სიტის" ფანმა კვარასთან დაკავშირებით უცნაური სურვილი გააჟღერა

მოგეხსენებათ, გიორგი ჩაკვეტაძემ "მანჩესტერ სიტის" წინააღმდეგ კარგი მატჩი ჩაატარა.

ამის შემდეგ ინგლისური გუნდის ფანებს საქართველოსადმი ინტერესი კვლავ გაუჩნდათ, თანაც ამას გიორგი ქინქლაძის ფაქტორიც ემატება.

ერთ-ერთი გულშემატკივარი სოციალურ მედიაში ჩაკვეტაძეზე და კვარაცხელიაზე საკუთარ მოსაზრებას ავრცელებს.

მისი სურვილია, რომ "სიტიმ" ჩაკვე და კვარა მომავალ ზაფხულს შეიძინოს. გიორგი ნახევარდაცვაში, ხოლო წინ ხვიჩა და ერლინგ ჰოლანდი.

როგორც ჩანს, ამ ქომაგმა საქართველოს ნაკრების თამაშებსაც შეავლო თვალი, რადგან ჩვენ გუნდში ჩაკვე და კვარა სწორედ ამ პოზიციებზე არიან განლაგებულნი.

შეიძლება ითქვას, რომ ამ სურვილს ფილ ფოდენისა და კევინ დე ბრუინის ცუდი სათამაშო ფორმაც აძლიერებს.