"მაღალი კლასის ფეხბურთელების დიდი არჩევანი არ გვაქვს" - ვილი სანიოლის პრესკონფერენცია უკრაინასთან მატჩის შემდეგ

როგორც მოგეხსენებათ, საქართველოს ნაკრები ერთა ლიგის მე-3 ტურის შეხვედრაში 1:0 დამარცხდა.

შეხვედრის შემდეგ ჩვენი გუნდის მთავარმა მწვრთნელმა, ვილი სანიოლმა მედიასთან კომენტარი გააკეთა. 

"თამაშის პირველი 30 წუთი კატასტროფა იყო. აგრესიულობა და ინტენსივობა გვაკლდა, უკრაინა კი გაცილებით კონცენტრირებული იყო"

"საერთო ჯამში, ჩვენ უფრო მეტი შანსი და შესაძლებლობა გვქონდა და იმედგაცრუება მაინც არსებობს."

"როდესაც მატჩს ისე იწყებ, როგორც ჩვენ დავიწყეთ, წაგება მოულოდნელი ნამდვილად არ უნდა იყოს. ეს, შეიძლება კარგიცაა იმისთვის, რომ ფეხბურთელები გამოფხიზლდნენ"

"ყველამ უნდა გაითავისოს, რომ იოლი თამაშები არ არსებობს და თუკი წარმატების მიღწევა გსურს, ყველა მატჩი ისე უნდა ჩაატარო, თითქოს ის ყველაზე მნიშვნელოვანი იყოს"

"რა არის მიზეზი, რომ თამაშის სტარტზე გვიჭირს. დღეს მხოლოდ გოლის მერე გამოვხიზლდით. ეს ნიშნავს, რომ სამუშაო კიდევ ბევრი გვაქვს. ჩვენ არ ვართ გერმანია, ესპანეთი ან სხვა ტოპ-ნაკრები, რომლებსაც მაღალი კლასის ფეხბურთელების დიდი არჩევანი აქვთ", - თქვა სანიოლმა.