"დარწმუნებული ვარ, ხვიჩაც და ჟორჟიც ამას ძალიან ნანობენ", - აჩი არველაძე

როგორც მოგეხსენებათ, რიგი მიზეზების გამო ქართველმა ვარსკვლავებმა, ხვიჩა კვარაცხელიამ და გიორგი მიქაუტაძემ ევროპის 21-წლამდე ჩემპიონატზე თამაშზე უარი თქვეს.

ვეტერანმა ქართველმა ფეხბურთელმა, აჩი არველაძემ გადაცემა “სპორტი იმედზე” მათ გადაწვვეტულებაზე ისაუბრა: 

“დარწმუნებული ვარ, ერთიც და მეორეც ნანობენ, რომ 21-წლამდე ნაკრებს ვერ დაეხმარნენ. ერთის მხრივ მათიც მესმის, რადგან დატვირთული საკლუბო სეზონის შემდეგ სანაკრებო შეხვედრების ჩატარება ძალზედ რთულია. მეორეს მხრივ, მათი მოედანზე ყოფნა გუნდს ძალიან დაეხმარებოდა. გულშემატკივარს მათი ევროპის ჩემპიონატზე არ ყოფნის გამო გული დაწყდათ, ამაში კი გასაკვირს ვერაფერ ვხედავ. გუნდურად კარგად ვითამაშეთ, თუმცა შეტევაში ძალიან გაგვიჭირდა”. - განაცხადა არველაძემ.