"ჩვენი ახალი ქეცბაია იქნება" - როგორ ეხმაურებიან "ნიუკასლის" ფანები ვახტანგ სალიას ტრანსფერს

უკვე არაერთმა ცნობილმა წყარომ დაადასტურა, რომ ვახტანგ სალია კარიერას "ნიუკასლ იუნაიტედში" გააგრძელებს. 

როგორც გაირკვა, ხელშეკრულების გაფორმების შემდეგ სალია ზაფხულამდე კვლავ თბილისის "დინამოში" იასპარეზებს და ინგლისური კლუბის რიგებს ამის შემდეგ შეუერთდება. 

აღსანიშნავია, რომ ამ ტრანსფერს "კაჭკაჭების" ინგლისელი ფანებიც გამოეხმაურნენ. 

"ის ჩვენი ახალი ქეცბაია იქნება. ჯერ მხოლოდ 17 წლისაა და ყველაფერი წინ აქვს. 

"ძალიან მაგარი ამბავია. ასეთი ნიჭიერი და ახალგაზრდა ფეხბურთელი ჩვენს გუნდს ნამდვილად სჭირდებოდა.

"თუ მან თავი გუნდში თავიდანვე დაიმკვიდრა, ძალიან დაგვეხმარება. ახალგაზრდა და ენერგიით სავსე შემტევი გვაკლდა. 

"თემურ ქეცბაიას თამაშის ყურება ერთი სიამოვნება იყო, ახლა კი ნიუკასლში ახალი ქართული ისტორია იწყება, წარმატებები მას.

"აქამდე სალიას თამაში ნანახი არ მქონდა, თუმცა ტრანსფერის შემდეგ მისი ვიდეოები ვნახე და ნამდვილად უნიჭიერესია", - წერენ ინგლისელი ქომაგები.