"ჩვენ ვიცით, რომ ლაკაზეტი გამუდმებით ამას აკეთებს" - მიქაუტაძემ მის კონკურენტზე ისაუბრა

საქართველოს ნაკრებისა და "ლიონის" ფორვარდმა, გიორგი მიქაუტაძემ გამოცემა, "DAZN"-თან ინტერვიუ ჩაწერა.

ქართველმა მისი და ალექსანდრ ლაკაზეტის კონკურენციაზე საინტერესო კომენტარი გააკეთა:

"მე და ლაკაზეტი კონკურენტები ვართ. მინდა ბევრი მატჩის ჩატარება, მაგრამ ჩვენ ვიცით, რომ ალექსიც მუდამ მაქსიმალურად იხარჯება, გადაწყვეტილება კი მწვრთნელმა უნდა მიიღოს" 

"ბევრს ვმუშაობ, ვარჯიშებზეც კი. როცა საქმე კარგად არ მიდის, შენს შრომას უნდა დაეყრდნო. ბავშვობიდან მინდოდა ამ კლუბის ისტორიაში შესვლა. ახლაც იგივე სულისკვეთებით უნდა გავაგრძელო“ - განაცხადა ჟორჟმა.