ჯუღელმა მსოფლიოს კლასი საბოლოოდ უჩვენა - ვიქტორ ოსიმენი საუდის არაბეთში მიდის

როგორც მოგეხსენებათ, "ნაპოლის" საკუთრებაში მყოფი ვიქტორ ოსიმენიიჯარის წესით ამჟამად "გალათასარაის" ღირსებას იცავს.

26 წლის ფეხბურთელი თურქული გუნდის რიგებს ამ ზაფხულს დატოვებს.

ცნობილი იყო, რომ ოსიმენის შეძენა "მანჩესტერ იუნაიტედს" სურდა, თუმცა საფეხბურთო ჟურნალისტი, დევიდ ორნშტეინი იუწყება, რომ "წითელი ეშმაკების" გეგმებში ვიქტორი არ შედის.

ასევე საფეხბურთო ჟურნალისტი ბენ ჯეიკობსი წერს, რომ დიდი ალბათობით ფორვარდი კარიერას საუდის არაბეთში გააგრძელებს.

შეგახსენებთ, რომ ეს პროგნოზი ქართველმა საფეხბურთო აგენტმა, მამუკა ჯუღელმა დაახლოებით 1 წლის წინ გააკეთა.

მან თქვა, რომ ოსიმენი ადრე თუ გვიან საუდის არაბეთში გადაბარდგებოდა.

აქვე მოგახსენებთ, რომ ნიგერიელმა თურქეთის სუპერლიგის მიმიდნარე სეზონში 25 მატჩი ითამაშა, სადაც თავი 21 გოლითა და 4 საგოლე პასით გამოიჩინა.