"არსენალთან მომავალ თამაშზე გულწრფელად ამას ვიტყვი" - რა კომენტარი გააკეთა ხვიჩა კვარაცხელიამ

"ეს, ალბათ, ყველაზე დიდი საფეხბურთო ტურნირია, რომელშიც მონაწილეობა ყველა ფეხბურთელის ოცნებაა. ყველას გამარჯვება სურს, რაც ძალიან რთულია. ნახევარფინალურ სტადიაზე გასვლა ნებისმიერი გუნდისთვის ძნელია. შეჯიბრის დასახელება თავის თავზე მეტყველებს - ჩემპიონთა ლიგა. ეს ჩემპიონთა ტურნირია და მის მოსაგებად ყოველ კლუბს თავისი შესაძლებლობები გააჩნია. საკუთარ თამაშზე, ყველა მატჩზე და ყველა მომენტზე სრულად კონცენტრირება გვმართებს

როდესაც ნახევრფინალში გასასვლელად მიზანდასახული, ასეთ მნიშვნელოვან დროს შენი ფანების და მთელი გუნდისთვის გაიტან, ეს, ალბათ, ყველაზე სასიხარულო და ემოციური გოლია, რომელიც ოდესმე გამიტანია. აბსოლუტურად აღფრთოვანებული ვიყავი. იმედია, უფრო მეტად ლამაზ და მნიშვნელოვან გოლებს გავიტან.

მათ ჩვენი თამაში შეისწავლეს. ჩვენც ყურადღებით ვაკვირდებით მათ მატჩებს. ძალიან კარგია, რომ ახლა ინგლისური ფეხბურთი უკეთ მესმის, განსაკუთრებით ისეთ მეტოქეებთან დაპირისპირებების შემდეგ, როგორებიც „ლივერპული“ და „ასტონ ვილა“ არიან. მათთან ბრძოლა ადვილი არ იყო, მაგრამ ბოლომდე მთელი ძალები გავიღეთ. ვფიქრობ, მიღებული გამოცდილება „არსენალთან“ დადებით სამსახურს გაგვიწევს", - განაცხადა კვარამ.