დასახელდა კლუბი საფრანგეთიდან, რომელიც გიორგი აბუაშვილს ყიდლობს

"2025-26 წლების სეზონის წინ სენტ ეტიენს მნიშვნელოვანი ამოცანა აქვს გადასაჭრელი. ისეთი გუნდის შექმნაა საჭირო, რომელიც ლიგა 1-ში დაბრუნებას მოახერხებს. სწორედ ამიტომ "მწვანეები" არაერთ ტრანსფერზე მუშაობენ, მათთვის საინტერესო ფეხბურთელების რიცხვში კი ქართველი გარემარბიც იმყოფება.

22 წლის გიორგი აბუაშვილი დინამო თბილისის აღზრდილია, ამჟამად კი ფოთის კოლხეთში ირიცხება. ეროვნული ლიგის მიმდინარე სეზონის 18 მატჩში უკვე 8 გოლი აქვს გატანილი, ახალგაზრდულ ევროპის ჩემპიონატზე საფრანგეთის ნაკრების წინააღმდეგ ნაჩვენებმა თამაშმა კი მისი ფასი კიდევ უფრო გაზარდა. 
უნივერსალურმა ფეხბურთელმა, რომელიც ძირითადად შემტევი ნახევარმცველის პოზიციაზე ასპარეზობს, ფრანგ თანატოლებთან გოლი და საგოლე პასი მიითვალა. ამით მან ლიგა 1-ის კლუბებში ინტერესი გააძლიერა და სავარაუდოა, რომ უკვე ამ სატრანსფერო ფანჯრის დროს კლუბს გამოიცვლის.

აბუაშვილის ფასი დაახლოებით 450 ათასი ევროა, რაც სენტ ეტიენისთვის მიმზიდველი ვარიანტია. "მწვანეები" დინამიურ ფეხბურთელებს ეძებენ, ქართველი კი სწორედ ასეთია: ფეთქებადი ხასიათის, ტექნიკურად კარგად მომზადებული და ყოველთვის კარზე დაგეშილი. დიდი შანსია, რომ სენტ ეტიენის პროექტი მისი კარიერული ზრდისთვის სწორედაც რომ შესაფერისი ვარიანტი იყოს", - წერს Peuple-Vert.fr.