პირველად ქალთა ფეხბურთის ისტორიაში - რა რეკორდი დაამყარა ლიზი კაკულიამ

ლიზი კაკულიამ სოხუმის „დინამოსთან" ქალთა ფეხბურთის ისტორიაში რეკორდი დაამყარა.

საუბარია საქართველოს ქალთა ლიგა 2-ის მე-15 ტურის მატჩზე, სადაც სოხუმის „დინამომ“ ახალციხის „ზარზმა“ 36:0 დაამარცხა. ამ შეხვედრაში ლიზი კაკულიამ ერთ მატჩში 19 გოლის გატანა შეძლო.

აღსანიშნავია, რომ ორივე მაჩვენებელი უნიკალურია — ქალთა ფეხბურთის ისტორიაში 36-ბურთიანი სხვაობით აქამდე არც ერთ გუნდს არ მოუგია, ხოლო ერთ მატჩში 19 გოლიც უნიკალური რეკორდია.

ცნობისთვის, სოხუმის „დინამო“ ქალთა ლიგა 2-ში 15 ტურის შემდეგ 36 ქულით სატურნირო ცხრილში მეორე ადგილზეა და ლიდერ „ნორჩებს“ ორი ქულით ჩამორჩება.