"მამარდაშვილი იმდენად მშვიდია, რომ მისი ხასიათი სხვებზე მოქმედებს" - რა თქვა სანიოლმა

საქართველოს ნაკრების მთავარმა მწვრთნელმა, ვილი სანიოლმა გიორგი მამარდაშვილის ტრანსფერზე ისაუბრა:

"ეს უდიდესი ამბავია არამხოლოდ გიორგისთვის, არამედ ქართული ფეხბურთისთვის -  ამ ტრანსფერით მამარდაშვილმა მისცა მაგალითი ქართველ ახალგაზრდებს, რომ თუ იშრომებენ ნებისმიერ მიზანს მიაღწევენ".

"ბოლო 3 წელში განვითარდა არამხოლოდ, როგორც ფეხბურთელი, ადამიანიც. ჩვენი გუნდის ერთ-ერთი ლიდერია მინდორზე და გასახდელშიც".

"დარწმუნებული ვარ, იმ ლიდერობას, რომელიც მამარდაშვილი საქართველოს ნაკრებში ავლენს, ლივერპულშიც აჩვენებს".

"როდესაც ვლაპარაკობთ საჯარიმოს დაცვაზე, ის ამ კომპონენტში მსოფლიოს ერთ-ერთი საუკეთესო ფეხბურთელია. 

"გიორგიმ იცის, როგორ შემატოს თავდაჯერება სხვებს. იმდენად მშვიდია, მისი ხასიათი სხვებზე დადებითად მოქმედებს" - უთხრა ვილი სანიოლმა Liverpoolfc.com-ს