ვახტანგ ბედოშვილის რუსეთში ტრანსფერი იშლება! - რა ხდება რეალურად

რამდენიმე დღის წინ გავრცელდა ინფორმაცია, რომ საქართველოს 21-წლამდე ნაკრებისა და ლიგა 3-ის საფეხბურთო კლუბი "ორბის" საკუთრებაში მყოფი ფეხბურთელი, ვახტანგ ბედოშვილი კარიერას რუსეთში, "პარი ნიჟნი ნოვგოროდში" გააგრძელებდა.

ბედოშვილი ფართო მაშტაბებისთვის ცნობილი საგარეჯოს "გარეჯის" რიგებში გახდა, სადაც ის იჯარით იმყოფებოდა.

მან თავისი თამაშით რამაზ სვანაძე მოხიბლა და სწორედ ამიტომ მას 21-წლამდე ევროპის ჩემპიონატზე უხმო.

ვახტანგის კარგი თამაში ასევე შენიშნეს თურქეთიდან. "სამსუნსფორი" მოლაპარაკებებს აწარმოებდა, "ორბი" თანახმა იყო, თუმცა ტრანსფერი ჩაიშალა.

შემდეგ გამოჩნდა პოლონური "ვისლა", რომელმაც კლუბთანაც და თავად ფეხბურთელთანაც ყველაფერი შეათანხმა, ვახტანგს პოლონეთში წასვლა სურდა. კონტრაქტი გაგზავნილიც იყო, თუმცა უეცრად ბედოშვილი არ გამოჩნდა.

როგორც გაირკვა, ფეხბურთელი და თავისი აგენტი რუსულ კლუბში ტრანსფერზე მუშაობდნენ, რაზეც "ორბმა" არაფერი იცოდა.

რადგან ბედოშვილმა რუსეთს ამ კლუბებთან შეთანხმების გარეშე მიაშურა და კარიერის გაგრძელება "პარი ნიჟნი ნოვგოროდში" სურს, რეალურია, რომ გარიგება არ შედგეს. საქმე ისაა, რომ ბედოშვილს "ორბთან" კონტრაქტი წელიწადნახევარში, 2026 წლის 31 დეკემბერში უმთავრდება და კლუბის ნებართვის გარეშე ვერსად გადავა.

წყარო: lelo.ge, სერგო კორძაია.