კატასტროფული შედეგი! - უეფას 55 ქვეყნიდან საქართველო უკვე 52-ე ადგილზეა

კონფერენს ლიგის მეორე საკვალიფიკაციო ეტაპის პირველი მატჩები დასრულდა.

ამ ეტაპზე 4 ქართული გუნდი ასპარეზობს და პირველ მატჩებში ოთხივე დამარცხდა.

მართალია, ყველა მათგანი გასვლაზე თამაშობდა და შინ გამარჯვების შანსები დაიტოვეს, თუმცა შედგი მაინც ძალიან ცუდია.

უეფას კოეფიციენტთა ქვეყნების ცხრილში ეს შედეგებიც აისახა.

ევროტურნირების დაწყებამდე საქართველო 55-დან 51-ე პოზიციას იკავებდა, რაც იმას ნიშნავდა, რომ თუ ჩვენი ქვეყანა მინიმუმ 1 პოზიციით წინ არ წაიწევდა, მომავალ წელს ოთხის მაგივრად საკვალიფიკაციო ეტაპზე 3 კლუბი გამოვიდოდა.

მაგრამ ჯერ-ჯერობით მხოლოდ უკუსვლაა.

საქართველო პირველი მატჩების 52-ე პოზიციაზე დაქვეითდა.

ასე გამოიყურება ცხრილი ამჟამად:

50. ლუქსემბურგი - 6.125;

51. ჩრდ. მაკედონია - 5.916;

52. საქართველო - 5.750;

53. უელსი - 5.624;

54. გიბრალტარი - 4.957;

55. სან მარინო - 2.498;

იმედი ვიქონიოთ, რომ განმეორებით მატჩებში ქართული გუნდები კარგ შედეგებს აჩვენებენ და მინიმუმ 50-ე პოზიციაზე გადავალთ, რათა კვლავ 4 გუნდს ქონდეს საკვალიფიკაციო ეტაპზე თამაშის უფლება.