4-ის მაგივრად 3 ქართული გუნდი ევროასპარეზზე - სიტუაცია ძალიან მძიმეა

როგორც მოგეხსენებათ, კონფერენს ლიგის საკვალიფიკაციო ეტაპს საქართველოს ჩემპიონი იბერია 1999 გამოეთიშა.

თბილისური გუნდი ესტონურ ლევადიასთან ორი მატჩის ჯამში ანგარიშით 2:3 დამარცხდა.

რაც შეეხებათ, გორის დილას, სპაერსა და ქუთაისის ტორპედოს ისინი თავიანთ განმეორებით მატჩებს 31 ივლისს გამართავენ.

სამივე გუნდმა პირველი მატჩი გასვლაზე ითამაშა და სამივემ წააგო.

აღსანიშნავია, რომ ევროტურნირების დაწყებამდე უეფას საკლუბო რეიტინგში საქართველო 55-დან 51-ე პოზიციას იკავებდა. ჯერ-ჯერობით მხოლოდ უკუსვლაა:

საქართველო 52-ე პოზიციაზე დაქვეითდა.

50. ლუქსემბურგი - 6.250;

51. ჩრდ. მაკედონია - 5.916;

52. საქართველო - 5.875;

53. უელსი - 5.624;

54. გიბრალტარი - 4.957;

55. სან მარინო - 2.498;

თუ ჩვენი ქვეყანა 53-ე პოზიციაზე დაქვეითდა, ეს იმას ნიშნავს, რომ შემდეგი სეზონიდან საქართველოდან 4-ის მაგივრად ევროასპარეზზე 3 კლუბი წარდგება.

იბერია 1999-ის გამოვარდნამ სიტუაცია კიდევ უფრო დაამძიმა.

თუ ხვალ 3 გუნდიდან სამივე დამარცხდა, ეს თითქმის ავტომატურად ნიშნავს, იმას რომ შემდეგ სეზონში შემცირება შეგვეხება.

შესაძლოა ვერც მათმა გამარჯვებამ გადაგვარჩინოს.

სიტუაცია შესაძლოა მაშინ გამოსწორდეს, თუ დილა, ტორპედო ან სპაერი კონფერენს ლიგაზე კვალიფიცირდება და იქაც თავს გამოიჩენს.

ვითარება ძალიან მძიმეა...