"ქეცბამ სულ რომ კაცი მოკლას, ამ ისტორიას ვერ გადაფარავს" - რას იხსენებს ფედერაციის ყოფილი პრეზიდენტი

საქართველოს ფეხბურთის ფედერაციის ყოფილი პრეზიდენტი, ზვიად სიჭინავა იუთუბ გადაცემა ლაი-ლაიში იყო სტუმრად.

მან თემურ ქეცბაიას შესახებ საინტერესო ისტორია გაიხსენა:

"მისი ყველაზე მაგარი საქციელი, რის შემდეგაც სულ რომ კაცი მოკლას, მაინც ვერ გადაფარავს. ხორვატიასთან თამაში გახსოვთ, სადაც გავიმარჯვეთ. მეორე დღეს, მე და "ქეცბა" წაგვიყვანეს პრეზიდენტთან. ვსხედვართ და იმდროინდელი პრეზიდენტი ეუბნება ქეცბაიას: "თემურ, თუ რამე გინდა - ფული, "ზბორები", ან ახალი ეკიპირება - რაც გინდა, მთხოვეო.

ქეცბამ უთხრა, კი, ერთი თხოვნა მაქვს, დემეტრაძე გამოუშვითო", - გაიხსენა სიჭინავამ.

ცნობისთვის, ამ დროს საქართველოს ნაკრების ყოფილი ფეხბურთელი, გიორგი დემეტრაძე დაკავებული იყო.