ქართულმა ქალთა საფეხბურთო გუნდმა, "ნიკე ლუსომ" თურქულ "ფენერბაჰჩესთან" ამხანაგური მატჩი გამართა

ქალთა საფეხბურთო კლუბმა, "ნიკე ლუსომ“ სტამბულში ადგილობრივ "ფენერბაჰჩესთან“ პირველი ამხანაგური შეხვედრა გამართა.

ქართული გუნდი ანგარიშით 1:2 დამარცხდა.

"ნიკე ლუსო" თურქეთში 29 აგვისტოს გაემგზავრა და ორი სატესტო მატჩის ჩატარება დაგეგმა.

აღსანიშნავია, რომ პირველ თამაშში „ნიკე ლუსოს“ რიგებიდან ერთადერთი გოლი ზეჰრა ბორაზანციმ გაიტანა.

ცნობისთვის, "ფენერბაჰჩესთან“ მეორე ამხანაგური დაპირისპირება 5 სექტემბერს გაიმართება.

როგორც გუნდის ოფიციალურ გვერდზეა აღნიშნული, ამ მატჩების მიზანია საკუთარი შესაძლებლობების გამოცდა და ახალი გამოცდილების შეძენა, რაც სამომავლოდ საქართველოს ჩემპიონატში გამოადგება.