შეთანხმება შედგა - თემურ ქეცბაიამ "ანორთოსისთან" კონტრაქტი გააფორმა

უკვე ოფიციალურად დადასტურდა, რომ ლეგენდარული თემურ ქეცბაია კვლავ "ანორთოსისის" მთავარი მწვრთნელი გახდება.

57 წლის ქართველი სპეციალისტი კვიპროსულ გუნდს რიგით მესამედ ჩაიბარებს. 

ბოლოს, 2022 წლის ივნისში, როცა ქეცბაიამ "ანორთოსისი" დატოვა, ამ გადაწყვეტილების მიზეზად სახელდებოდა მისი დაჟინებული მოთხოვნა, შეენარჩუნებინა თავისი ასისტენტები სამწვრთნელო შტაბში, რაც კლუბის სპორტულ დირექტორსა და ხელმძღვანელობასთან უთანხმოებას იწვევდა.

საბოლოოდ კი 2025 წლის 5 სექტემბერს თემურ ქეცბაია კლუბში მესამედ დაბრუნდა და კვიპროსელებთან 3-წლიანი კონტრაქტი გააფორმა.