"უკვე დამღლელიც გავხდი, მაგრამ „ანორთოსისში“ მესამედ ვბრუნდები" - თემურ ქეცბაია

ოფიციალურად - თემურ ქეცბაია ანორთოსისში დაბრუნდა.

აღსანიშნავია, რომ წარდგენის შემდეგ ქართველმა სპეციალისტმა მედიასთან ისაუბრა:

"შესაძლოა, უკვე დამღლელიც გავხდი, მაგრამ „ანორთოსისში“ მესამედ ვბრუნდები. გუნდში, რომელიც ფეხბურთელის ოცნებების ასრულებაში დამეხმარა, მაგრამ რაც მთავარია, აქ მწვრთნელის კარიერა ავიწყე. 

"რა თქმა უნდა, ამ ეტაპზე ხალხს ვერ დავპირდებით, რომ თასებს მოვიგებთ. უბრალოდ, ახლა გუნდს გვერდში დგომა სჭირდება, როგორც გითხარით, ეს ყველას პასუხისმგებლობაა. 

"კვიპროსში ფეხბურთი შეიცვალა. გუნდები ვეღარ მიჰყვებიან ისეთ გუნდებს, როგორებიც არიან „პაფოსი“ და „არისი“. არა იმიტომ, რომ მათ ჩვენზე უკეთ იციან რა არის გასაკეთებელი, არამედ იმიტომ რომ მათ უკეთესი ფინანსური შესაძლებლობები აქვთ, ეს კი თანამედროვე ფეხბურთში ყველაზე მნიშვნელოვანია", - თქვა ქეცბაიამ.