"საქართველო ამ მსოფლიო ჩემპიონ გუნდს მაგონებს" - ფაბრიციო რომანო

ცნობილმა იტალიელმა საფეხბურთო ჟურნალისტმა, ფაბრიციო რომანომ საქართველოში ვიზიტისას ჩვენს ნაკრებზე ისაუბრა:

"საქართველოში ახალგაზრდა მოთამაშეებს ენდობით, რაც ძალიან კარგია. მოთამაშეებს ნაკრებში ჩამოსვლა უნდა უხაროდეთ.

ამის კარგი მაგალითი არგენტინის ნაკრებია და ასევე 2006 წლის იტალია, როცა მოთამაშეები ნაკრებში სიხარულით მიდიან და რაღაც მიზეზებს არ იგონებენ სანაკრებო მატჩების გამოსატოვებლად. ახალგაზრდა მოთამაშეების ნდობა კარგია.

თქვენ ისეთი ვარსკვლავები გყავთ, როგორიც კვარაცხელია და მამარდაშვილი არიან. თქვენს მოთამაშეებს უნდა გაუფრთხილდეთ და მომავალშიც წარმატება გელით."