ოთარ კიტეიშვილი გრაცის "შტურმს" მოულოდნელად გამოაკლდა

24 სექტემბერს გრაცის "შტურმი" ევროპა ლიგის ეგიდით "მიდტიულანდს" შეხვდება.

აღსანიშნავია, რომ ამ თამაშის წინ ავსტრიულ გუნდს მოულოდნელად ერთ-ერთი ლიდერი ოთარ კიტეიშვილი გამოაკლდა. 

ამ საკითხთან დაკავშირებით "შტურმის" სპორტულმა დირექტორმა, მიკაელ პერენსენმა მედიასთან კომენტარი გააკეთა.

"კიტეიშვილმა დღეს დილით გვაცნობა, რომ ოჯახური მიზეზების გამო, ჩვენთან ერთად დანიაში გამგზავრებას ვერ მოახერხებდა. 

"რა თქმა უნდა, ჩვენ ძალიან კარგად გვესმის, რომ არსებობს ფეხბურთზე უფრო მნიშვნელოვანი რაღაცები. მას იმდენ დროს მივცემთ, რამდენიც სჭირდება მას და მის ოჯახს და დაველოდებით მის დაბრუნებას, როდესაც ამისთვის მზად იქნება”, - განაცხადა პერენსენმა. 

როგორც ირკვევა, პირადი მიზეზების გამო ქართველი ფეხბურთელი სამშობლოში გაემგზავრა.