შოთი არველაძემ დიდი კრიზისი დაძლია! - ქართველის გაწვრთნილი ქასიმფაშა დაუმარცხებელია

როგორც მოგეხსენებათ, შოთი არველაძე ქასიმფაშაში მთავარი მწვრთნელის როლში აქტიურად მუშაობს.

საწყის სამ ტურში მარცხის შემდეგ, ქართველმა სპეციალისტმა მოახერხა და ეს კრიზისული პერიოდი დასძლია.

უკვე ზედიზედ ხუთი ტურია და არველაძის გაწვრთნილი გუნდი არ მარცხდება.

ქასიმფაშამ გასვლით მატჩებში ჯერ ქარაგუმრუკი და შემდეგ რიზე დაამარცხა, შემდეგ კი სამსუნთან, ფენერბაჰჩესთან და ქონიასთან ფრე ითამაშა.

ამჟამად შოთი გუნდი თურქეთის სუპერლიგაში 9 ქულით 11 პოზიციას იკავებს და ოთხეულს 7 ქულით ჩამორჩება. გასავრდნ ზონასთან კი 4 ქულაშია.

ცნობისთვის, ქასიმფაშა შემდეგ მატჩს 20 ოქტომბერს უპსპორის წინააღმდეგ გამართავს.