"ბოლო 10 თვის განმავლობაში ეს ნელ-ნელა დაგვავიწყდა" - რა თქვა ვილი სანიოლმა

საქართველოს ნაკრების მწვრთნელი, ვილი სანიოლი, თურქეთთან მატჩის შემდეგ გუნდის მდგომარეობაზე ისაუბრა:

"ყველაზე მნიშვნელოვანი თვისება ასეთ სიტუაციაში არის რეალობის პატიოსნად მიღება – უნდა ვიცოდეთ, ვინ ვართ ჩვენ, როგორც გუნდი, როგორც ფედერაცია. "

"ბოლო წლებში რაც გვახასიათებდა, ეს იყო საბრძოლო სულისკვეთება და ერთიანობა, თამაში პირველი წუთიდან ბოლო წუთამდე, ბოლო 10 თვის განმავლობაში ეს ნელ-ნელა დაგვავიწყდა."

"თუ გვინდა წარმატება მომავალში, უნდა დავბრუნდეთ იმ მდგომარეობაში, როცა თითოეულ თამაშში ბევრს ვებრძოდით საუკეთესო შედეგისთვის", – განაცხადა სანიოლმა თურქეთთან მატჩის შემდეგ.