ზურიკო დავითაშვილი: "სენტ-ეტიენში ბედნიერი ვარ და მხოლოდ ფეხბურთზე ვფიქრობ"

„სენტ-ეტიენის“ ქართველი შემტევი, ზურიკო დავითაშვილი, „ლე მანთან“ მატჩის წინ ჟურნალისტებთან საუბრობს.

დავითაშვილის განცხადებით, ზაფხულში რამდენიმე შეხვედრა გამოტოვა, თუმცა ახლა სრულიად ჯანმრთელია და მზად არის გუნდს დაეხმაროს:

"იმედია, უახლოეს მატჩებში ყველა დაინახავს ამას და შევძლებ გუნდის მხარდაჭერას, როგორც ეს „მონპელიესთან“ მატჩში მოხდა“.

ფეხბურთელმა ხაზგასმით აღნიშნა, რომ სენტ-ეტიენში თავს კარგად გრძნობს და კლუბისთვის მაქსიმუმის გაკეთებაზეა ფოკუსირებული:

"არ ვაქცევ ყურადღებას იმას, რაც პრესაში იწერება, მხოლოდ ფეხბურთზე ვარ კონცენტრირებული," - აღნიშნა ზურიკომ

ცნობისთვის, დავითაშვილმა ლიგა 2-ში მიმდინარე გათამაშებაში 8 მატჩში 4 გოლი გაიტანა, ხოლო „სენტ-ეტიენი“ 9 ტურის შემდეგ 20 ქულით სატურნირო ცხრილის პირველ პოზიციაზეა.

მომავალი მატჩი „სენტ-ეტიენი“-„ლე მანის“ წინააღმდეგ 18 ოქტომბერს, 22:00 საათზე გაიმართება.