"ბეშიქთაში" საქმეში ჩაერთო - რას აპირებენ თურქები ზურიკოს გამო

ბოლო პერიოდში ზურიკო დავითაშვილი ყურადღების ცენტრშია — თურქული მედიის ცნობით, ერთ-ერთ წამყვან კლუბს მისი დამატება ზამთრის სატრანსფერო ფანჯარაში სურს.

„Takvim“-ის ინფორმაციით, კლუბის პრეზიდენტი ყველაფერს გააკეთებს, რათა გუნდი ზამთარში გააძლიეროს.

მთავარი მწვრთნელი სერგენ იალჩინი უკვე მიუთითებს იმ ფეხბურთელებზე, ვისი დამატებაც სურს, და მათ შორის ქართველი გარემარბიც არის.

წყაროს ცნობით, კლუბის ხელმძღვანელობა მზადაა სერიოზული ფინანსური ნაბიჯები გადადგას დავითაშვილის ტრანსფერისთვის.

იწერება, რომ კლუბის პრეზიდენტი სერდალ აიდალი ნაახალწლევს „სენტ-ეტიენს“ დაუკავშირდება და ზურიკოს ხელში ჩასაგდებად თანხას არ დაზოგავს

შეგახსენებთ, რომ ზაფხულში „სენტ-ეტიენი“ 20 მილიონ ევროს ითხოვდა, რაც მაშინ გადაულახავი ბარიერი აღმოჩნდა.