"ის ახლა იწყებს სცენის დაპყრობას" - რას წერენ თორნიკე კვარაცხელიაზე იტალიურ მედიაში

იტალიური გამოცემა Sportitalia ყურადღებას ამჯერად ხვიჩა კვარაცხელიას უმცროს ძმაზე, თორნიკე კვარაცხელიაზე ამახვილებს და წერს, რომ ქართველი ტალანტი ევროპულ საფეხბურთო სცენაზე საკუთარი სახელის დამკვიდრებას იწყებს.

ახალგაზრდა მარცხენა გარემარბი, რომელიც „ინტერის“ აკადემიიდან თბილისის „დინამოში“ გადავიდა, საქართველოს 17-წლამდელთა ნაკრების ერთ-ერთი გამორჩეული ფეხბურთელია. Sportitalia-ს ცნობით, ის უკვე იპყრობს ევროპული სკაუტების ყურადღებას თავისი ტექნიკითა და დრიბლინგით.

„კვარაცხელიების ოჯახში ეს ტალანტი გენებშია — უფროსი ძმა უკვე პსჟ-ში ბრწყინავს, უმცროსი კი ახლა იწყებს სცენის დაპყრობას,“ — წერს გამოცემა Sportitalia.

თორნიკემ ევროპის ჩემპიონატის საკვალიფიკაციო მატჩში ისლანდიის წინააღმდეგ მოედანზე მეორე ტაიმში შემოსვლის შემდეგ განსაკუთრებული ყურადღება მიიპყრო თავისი მოძრაობებითა და შემოქმედებითი თამაშით, რამაც მაყურებელს ხვიჩას სტილი გაახსენა.

ფეხბურთელი იმედოვნებს, რომ ძმის მსგავსად, თავადაც ევროპულ დიდ ფეხბურთში მიაღწევს წარმატებას და საქართველოს ღირსეულად წარმოაჩენს.