"მთელი გუნდია დამნაშავე" - ოთარ კიტეიშვილის კომენტარი

ავსტრიის ბუნდესლიგის ბოლო ოთხ ტურში ოთარ კიტეიშვილის გრაცის "შტურმი" სამჯერ დამარცხდა და ლიდერის პოზიციიდან მეხუთე ადგილამდე ჩამოქვეითდა.

"ლასკთან" თამაშის შემდეგ, სადაც ქართველმა ფეხბურთელმა გოლი გაიტანა, ოთარმა მედიასთან კომენტარი გააკეთა.

"ეს კარგი თამაში არ იყო. ბევრი მარტივი შეცდომა დავუშვით, განსაკუთრებით დაცვაში. მთელი გუნდია დამნაშავე და არა მხოლოდ დაცვა. 

"არ ვიცი, რაშია პრობლემა, მაგრამ რაღაც უნდა შეიცვალოს, ასე გაგრძელება არ შეიძლება", - თქვა ქართველმა ფეხბურთელმა.