"ბევრი შანსი ვერ გამოვიყენეთ" - ხვიჩა კვარაცხელიას კომენტარი

ჩემპიონთა ლიგის გასულ ტურში პარის სენ-ჟერმენი ატლეტიკ ბილბაოს ესტუმრა და მატჩი ნულოვანი ფრით დასრულდა.

ხვიჩა კვარაცხელიამ შეხვედრა სრულად ითამაშა, თუმცა სასურველ მიზანს ვერ მიაღწია.

შეხვედრის შემდეგ ქართველმა მედიასთან კომენტარი გააკეთა და აღნიშნა, რომ გუნდმა ბევრი მომენტი ვერ გამოიყენა.

"ჩვენ ვართ პსჟ - ჩემპიონები. ყოველ მატჩში მხოლოდ გამარჯვება გვსურს. ასე რომ, არ ვართ კმაყოფილები ფრით, მიუხედავად იმისა, რომ ის სტუმრად მოპოვებულია. ყოველ თამაშში მოედანზე გავდივართ მოგებისთვის და თუ ფრედ ვთამაშობთ, ეს ცუდია.

ვიცოდით, რომ რთული თამაში გველოდა. ჩემპიონთა ლიგის ყველა გუნდი კარგია, ამიტომაც ამ გამოწვევისთვის მზად ვიყავით. ვერ მოვიგეთ, რადგან ბევრი შანსი ვერ გამოვიყენეთ. შემდეგ მატჩებში უკეთ გარჯა გვმართებს", - თქვა ხვიჩამ.

აღსანიშნავია, რომ მატჩის ერთ-ერთ მომენტში კვარაცხელიას გოლის გატანის რეალური შანსი ჰქონდა, თუმცა ბრედლი ბარკოლამ მას პასი ცარიელ კარში არ მისცა.