"სენტ-ეტიენი" იძულებულია ზურიკო გაყიდოს - ბოლო ცნობები ქართველ ფეხბურთელზე

როგორც მოგეხსენებათ, დიდი ხანია, რაც ზურიკოს მიმართ ინტერესს "ბეშიქთაში" იჩენს. 

ამასთან დაკავშირებით, გამოცემა Haberler ახალ ინფორმაციას ავრცელებს და წერს, რომ ფინანსური პრობლემების გამო, "სენტ-ეტიენი" იძულებულია, ქართველ შემტევს შეელიოს/

წყაროს ცნობით, ზამთრის სატრანსფერო ფანჯრის დროს, ბეშიქთაში 3 ფეხბურთელს დაიმატებს. ერთ-ერთი კი დავითაშვილი იქნება. 

როგორც ირკვევა, გუნდებს შორის მოლაპარაკება დაწყებულია და ყველაფერი ინტენსიურად ვითარდება. 

საგულისხმოა ისიც, რომ თურქულ კლუბს ქართველი შემტევის გადაბირება ზაფხულის სატრანსფერო ფანჯრის დროსაც სურდა, მაგრამ შეთანხმება არ მოხერხდა.