ოქროს სიტყვებია - როგორ დაახასიათა "უოტფორდის" მწვრთნელმა საბა გოგლიჩიძე

ინგლისის ჩემპიონშიფის 33-ე ტურში "უოტფორდმა" საკუთარ მოედანზე "დერბი ქაუნთი" 2:0 დაამარცხა. 

აღსანიშნავია, რომ ამ შეხვედრაში საბა გოგლიჩიძემ სასტარტო 11-დან დაიწყო და მარცხენა ცენტრალურ მცველად ითამაშა.

შეხვედრის შედმეგ "ფუტკრების" თავკაცმა, ედვარდ სტილმა მედიასთან ქართველ ფეხბურთელზე ისაუბრა.

"ის, თუ როგორ გაუმკლავდნენ დღეს ჯეიმს აბანკვა და საბა გოგლიჩიძე მეტოქის თავდამსხმელს პატრიკ აგიემანგს, უბრალოდ ფანტასტიკური იყო. 

"აგიემანგი ჩემპიონშიფის ერთ-ერთი ყველაზე რთული მეტოქეა, მათ კი საქმეს თავი ბრწყინვალედ გაართვეს. 

"დაცვაში უზარმაზარი სამუშაო შევასრულეთ და კარგია, რომ მოსამზადებლად ოთხდღიანი წვრთნა გვქონდა. ეს კოლექტიური შრომისა და ვარჯიშის შედეგია, თუმცა ეს ყველაფერი ფეხბურთელების დამსახურებაა", - განაცხადა სტილმა.