"გეტყვით მიზეზს, რატომაც კვარა საოცარი ფეხბურთელია" - გარი ლინეკერი

ლეგენდარულმა ინგლისელმა ფეხბურთელმა, გარი ლინეკერმა The Rest Is Football-ის პოდკასტში ხვიჩა კვარაცხელიაზე ისაუბრა. 

ლინეკერი „პარი სენ-ჟერმენისა“ და „ლივერპულის“ შეხვედრას გამოეხმაურა და ქართველი გარემარბის მიმართ საქებარი სიტყვები არ დაიშურა. 

"გეტყვით, ვინ მომწონს. არ ვიცი, ცოტათი დაუფასებელია თუ არა, რადგან მედიაში ისე ხშირად არ ახსენებენ, როგორც უნდა ახსენებდნენ. 

"ნუ, ახსენებენ, მაგრამ ვფიქრობ, საკმარისად არა. საუბარი ხვიჩა კვარაცხელიაზე მაქვს.

"რა საოცარი ფეხბურთელია! ჩემპიონთა ლიგის მიმდინარე სეზონში 8 გოლი და 4 საგოლე გადაცემა აქვს. ის უბრალოდ ბრწყინვალედ თამაშობს", - თქვა ლინეკერმა.