"ესპანელი რომ ვიყო, ტოპ კლუბის მწვრთნელი ვიქნებოდი" - თემურ ქეცბაია

თემურ ქეცბაიამ კვიპროსულ მედიასთან ჩაწერილ ერთ-ერთ ინტერვიუში საინტერესო თემაზე ისაუბრა:

"სიმართლე ის არის, რომ არ მომეცა ევროპის წამყვან ლიგებში მუშაობის საშუალება, მიუხედავად იმისა, რომ ეს დავიმსახურე კვიპროსში ნაჩვენები შედეგებით. ვფიქრობ, კვიპროსულ ფეხბურთს მის საზღვრებს გარეთ სათანადო მნიშვნელობას არ ანიჭებენ და ეს თავის როლს თამაშობს.

როდესაც საქმე მწვრთნელებს შეეხება, პასპორტს დიდი მნიშვნელობა აქვს. სულ სხვაა, როდესაც ესპანური ან პორტუგალიური პასპორტი გაქვს. ესპანელი რომ ვიყო, მწვრთნელი რომელიმე დიდ კლუბში ვიქნებოდი”.