"ხვიჩა სოციალურ ქსელებში ყურადღებისთვის არ თამაშობს" - ტიერი ანრი

ფეხბურთის ლეგენდამ ტიერი ანრიმ ვრცლად ისაუბრა ხვიჩა კვარაცხელიას შესახებ და აღნიშნა, რომ ქართველი ვარსკვლავი დღეს მსოფლიო ფეხბურთის ერთ-ერთი ყველაზე დაუფასებელი მოთამაშეა.

„კვარაცხელია ამ მომენტში მსოფლიოს ერთ-ერთი საუკეთესო ვინგერია და ჩემთვის ის მარტივად შედის მსოფლიოს საუკეთესო ხუთ ფეხბურთელში.“

„რაც ყველაზე მეტად მაკვირვებს, არის ის, რამდენად დაუფასებელია ჯერ კიდევ. ვერ ვხედავ, რომ მასზე ისეთივე ხმაური იყოს, როგორიც სხვა ფეხბურთელებზეა.“

„ვცემ პატივს დემბელეს, ოლისეს, შერკის და სხვებს — ისინი ძალიან ნიჭიერები არიან. მაგრამ თუ თამაშს ყურადღებით უყურებ, კვარაცხელია მატჩებზე სრულიად სხვანაირად მოქმედებს.“

„ის მუდმივად ქმნის საფრთხეს, ატყუებს მცველებს, არაფრისგან ქმნის მომენტებს, უკანაც ჩამოდის და ყველა ბურთისთვის იბრძვის. შეუძლია მატჩის რიტმი მარტო შეცვალოს.“

„შესაძლოა მისი ფანები უფრო ჩუმები არიან, შესაძლოა მისი PR ასეთი აგრესიული არ არის, ან უბრალოდ სოციალურ ქსელებში ყურადღებისთვის არ თამაშობს. მაგრამ ფეხბურთის ხალხი, ნამდვილი ფეხბურთის ხალხი, მის ხარისხს მაშინვე ხედავს.“

„ჩემთვის კვარაცხელია სუფთა ფეხბურთია — ზედმეტი დრამის გარეშე. მხოლოდ ხარისხი, ინტელექტი, კრეატივი და პიროვნება მოედანზე. და იმ დონით, რაც ამ სეზონში აჩვენა, ის აუცილებლად უნდა განიხილებოდეს ოქროს ბურთის კანდიდატად", - თქვა ანრიმ.