"ხვიჩა ძალიან მიყვარს" - ფაბრიციო რომანოს განცხადება

ცნობილმა და გავლენიანმა სპორტულმა ჟურნალისტმა ფაბრიციო რომანომ ხვიჩა კვარაცხელიას შესახებ ისაუბრა.

"იმედია, კვარაცხელია ოქროს ბურთს მოიგებს, ეს ჩემი ოცნებაა - ეს ბიჭი ძალიან მიყვარს, ამას არ დავმალავ", - განაცხადა რომანომ.

შეგახსენებთ, რომ ჯერ კიდეც მაშინ, როცა მსოფლიოსთვის ხვიჩა არცთუ ისე ცნობილი ფეხბურთელი იყო, ფაბრიციო რომანო მაშინ ამტკიცებდა, რომ ამ პატარა ბიჭს დიდი მომავალი ექნებოდა.

საბოლოოდ ეს ასეც მოხდა. კვარა ამის შემდეგ "ნაპოლიში" გადავიდა, სადაც უდიდესი ისტორია დაწერა, ეროვნულ ნაკრებთან ერთად წარმოუდგენელ შედეგს მიაღწია და "პსჟ"-ს ეპოქალური გუნდის მთავარი ლიდერი გახდა.