ცნობილია - როდის დაუბრუნდება გიორგი ჩაკვეტაძე მოედანს

გიორგი ჩაკვეტაძე მალე ფეხზე ფიქსატორს მოიხსნის და მინდორზე სირბილს დაიწყებს.

Geo Team-ის ინფორმაციით, გიორგი ჩაკვეტაძე მოედანს, სავარაუდოდ, აგვისტოს ბოლოს დაუბრუნდება. 

იყო პოზიტიური ვარაუდი, რომ ქართველი ნახევარმცველი სერია A-ს სტარტს მზადყოფნაში შეხვდებოდა, თუმცა უდინეზეს სამედიცინო სტაფმა ნაადრევად ვარჯიშის განახლების ნებართვა არ გასცა. 

შეგახსენებთ, გიორგი ჩაკვეტაძემ ტერფის ძვლის მოტეხილობა ივნისის სანაკრებო მატჩში, რუმინეთის წინააღმდეგ მიიღო.