რატომ ჩქარობს პსჟ ხვიჩასთან კონტრაქტის გაფორმებას

ცნობილი ფრანგული გამოცემა l'équipe-ს ინფორმაციით, სატრანსფერო ფანჯრის დახურვის შემდეგ პსჟ სხვა საკითხებზე, კერძოდ ფეხბურთელებთან კონტრაქტების გაგრძელებაზე გადაერთო. 

უკვე მიღწეულია შეთანხმება უსმან დემბელესთან, ფაბიან რუისთან, ლუკას ბერალდოსთან, ვილიან პაჩოსთან და სენი მეილიუსთან, მთავარი კი ხვიჩა კვარაცხელიასთან ხელშეკრულების სასწრაფოდ გახანგრძლივებაა.

PlanetePSG განმარტავს, თუ რატომ ჩქარობს პარიზული კლუბი ქართველთან 2029 წლის ზაფხულამდე მოქმედი კონტრაქტის განახლებას: „პრიორიტეტული ამოცანა ხვიჩა კვარაცხელიასთან რაც შეიძლება სწრაფად თანამშრომლობის გაგრძელებაა. 

„პარი სენ ჟერმენი“ რამდენიმე კვირის მანძილზე აწარმოებდა მასთან მოლაპარაკებებს, რომლებიც წარმატებით მიმდინარეობს და შეიძლება მალე მხარეები ხელშეკრულების 2030 ან 2031 წლის 30 ივნისამდე გახანგრძილივებაზე ხელფასის არსებითად მომატებით შეთანხმდნენ.

პსჟ-ს სურს, ეს „ოქროს ბურთის“ შედეგების გამოცხადებამდე მოხდეს, რათა გართულებებს იმ შემთხვევისთვის აარიდონ თავი, თუ ხვიჩა ჯილდოს მფლობელი გახდება.