მაგარი ამბავია - ავტორიტეტული ფრანგული გამოცემა ხვიჩაზე პოზიტიურ ახალ ამბავს ავრცელებს

ჩემპიონთა ლიგის მესამე ტურში „ბარსელონასთან“ მიღებული ხვიჩა კვარაცხელიას ტრავმა სერიოზულ შეშფოთებას იწვევს. გავრცელებული ვიდეოკადრების ანალიზის საფუძველზე, სპეციალისტები არ გამორიცხავენ, რომ საქართველოს ნაკრებისა და „პარი სენ-ჟერმენის“ თავდამსხმელს მარჯვენა მუხლის წინა ჯვარედინი იოგი ჰქონდეს დაზიანებული.

კვარაცხელიამ ტრავმა 57-ე წუთზე, „ბარსელონას“ ფეხბურთელ ხავი ესპარტთან ორთაბრძოლისას მიიღო. ქართველმა მოედანი დამოუკიდებლად ვერ დატოვა და სამედიცინო პერსონალის დახმარება დასჭირდა. ის 59-ე წუთზე მანეს აკლიუშმა შეცვალა.

რამდენიმე საათის წინ დადასტურდა, რომ ქართველმა ჯვარედინი იოგები გაიწყვიტა, რის გამოც ის რამდენიმე თვეს გამოტოვებს.

არაერთი გამოცემის ცნობით, ხვიჩა მთელ დარჩენილ სეზონს გამოტოვებს, თუმცა Le Parisien-მა პოზიტიური ამბავი გაავრცელა.

წყაროს ცნობით, არის შანსი, რომ ხვიჩა კვარაცხელია აპრილის თვეს დაბრუნდეს.

თუ ეს ასე მოხდა, ქართველი ვინგერი თავის გუნდს პოტენციურად ჩემპიონთა ლიგის 1/4 ფინალებისთვის დაუბრუნდება.

აქვე გეტყვით, რომ ხვიჩა ფეხზე ოპერაციას უახლოეს დღეებში გაიკეთებს.