"ეს გადამწყვეტი მატჩი არ იყო" - ლუის ენრიკეს განცხადება

როგორც მოგეხსენებათ, პარი სენ-ჟერმენმა ჩემპიონთა ლიგის მესამე ტურში ბარსელონა 4:2 დაამარცხა.

შეხვედრის შემდეგ ლუის ენრიკემ მედიასთან ისაუბრა.

"როცა ფეხბურთი გიყვარს, ჩვენი თამაშისა და ბრძოლის ყურება ნამდვილად ამაღელვებელია. ვფიქრობ, ამ მატჩის ყურებით ყველამ სიამოვნება მიიღო.

როცა ასეთ დონეზე ვთამაშობთ, ვიცით, რომ ჩვენი შეჩერება ნებისმიერი მეტოქისთვის ძალიან რთულია.

დღეს მსოფლიოს ერთ-ერთ საუკეთესო გუნდს დავუპირისპირდით და ვფიქრობ, გამარჯვებას ორივე გუნდი იმსახურებდა. ეს სიმართლეა.

ჩვენ დავიბრუნეთ ის დონე, რომელსაც ბოლო ორი წლის განმავლობაში მუდმივად ვაჩვენებდით.

თუმცა ეს მატჩი გადამწყვეტი არ იყო, რადგან ამ ტურნირის მთავარი ეტაპები აპრილამდე არ გაიმართება. იმედი მაქვს, მაშინაც ამ ტურნირზე ვიქნებით.

შედეგით ძალიან ბედნიერები ვართ“, - განაცხადა ლუის ენრიკემ.