პრიზი მბაპემ მოიგო! - რომელ ადგილზე გავიდა ხვიჩა გამოკითხვაში

ცნობილ ფრანგულ გამოცემას, Onze Mondial-ს, „ოქროს ბურთის“ მსგავსი ჯილდო, Onze d'Or-ი აქვს, რომელსაც სეზონის საუკეთესო ფეხბურთელს გადასცემს. 

საგულისხმოა, რომ გამარჯვებულის გამოსავლენად გამოკითხვა ტარდება და მასში Onze Mondial-ის მკითხველი მონაწილეობს. 

2025/26 წლების სეზონის საუკეთესო ფეხბურთელი კილიან მბაპე გახდა. „რეალის“ სუპერვარსკვლავმა ხმების 48.2 პროცენტი მიიღო და ჯილდო, რომელიც 50 წლის წინ, 1976 წელს დაარსდა, კარიერაში პირველად დაისაკუთრა. 

"მინდა, მადლობა ვუთხრა ყველას, ვინც მხარი დამიჭირა და საშუალება მომცა, ეს ჯილდო მომეგო. ეს ჩემთვის ძალიან ბევრს ნიშნავს და მუშაობა გრძელდება“, - განაცხადა მბაპემ. 

Onze Mondial-ის გამოკითხვაში მეორე ადგილზე „პარი სენ-ჟერმენის“ ფეხბურთელი, ჟოაუ ნევეში გავიდა (11.9%), ხოლო მესამე პოზიცია ხვიჩა კვარაცხელიამ დაისაკუთრა (10.8%). „კვარას“ შემდეგ ლამინ იამალი (9.7%), უსმან დემბელე (7.5%), ჰარი კეინი (4.4%), მაიკლ ოლისე (2.9%), ვიტინია (2.8%), დეკლან რაისი (1.1%) და ბრუნო ფერნანდეში (0.7%) მოდიან.