"მიქაუტაძემ ისეთი რაღაც გააკეთა, რაც მთელი მატჩისას არცერთ "აიაქსის" ფეხბურთელს გაუკეთებია" - ნიდერლანდული მედია გიორგის აქებს

როგორც მოგეხსენებათ, ამსტერდამის "აიაქსი" ევროპა ლიგის ჯგუფური ეტაპის მეოთხე ტურში "ბრაიტონ ალბიონთან" ანგარიშით, 0:2 დამარცხდა და ჯგუფში ბოლო ადგლიზე გადაინაცვლა.

მატჩში 78-ე წუთიდან გიორგი მიქაუტაძე შემოვიდა, რომელსაც ახალ გუნდში სათმაშო დრო ნაკლებად ეძლევა. ქართველმა შემოსვლისთანავე კარგი მომენტი შემქნა და საერთო ჯამში ცუდი არ ყოფილა.

ნიდერლანდულმა მედიამ ჟორჟს ეს ყველაფერი დაუფასა და მის მიმართსაქებარი სტატია გამოაქვეყნა:

"იმედისმომცემი იყო სწრაფი გიორგი მიქაუტაძის ხანმოკლე დროით გამოჩენა, რომელმაც ბურთთან პირველივე კონტაქტის დროს, სიღრმეში ისეთი პასი გააკეთა, რომლის მსგავსს ხუთშაბათის მატჩში იშვიათად ვხედავდით".