უცნობი ისტორია! - ხვიჩა კვარაცხელიასა და ვალტერ მაძარის შორის საიდუმლო საუბარი შედგა

როგორც მოგეხსენენებათ, ხვიჩა კვარაცხელიას აგენტის, მამუკა ჯუღელის განცხადებებს ვიქტორ ოსიმენის განრისხება მოყვა.

სოციალურ ქსელებში ნიგერიელი გულშემატკივრების მხრიდან ხვიჩას მიმართ დიდი კრიტიკა მიდის.

“სალერნუტანასთან” შეხვედრის წინ ვალტერ მაძარიმ სასტუმორში ხვიჩა კვარაცხელიასთან საიდუმლო შეხვედრა გამართა, სადაც მწვრთნელსა და მოთამაშეს შორის საინტერესო საუბარი შედგა.

ნეაპოლურმა გამოცემა Il Mattino-მ ხვიჩასა და ვალტერ მაძარის შესახებ საინტერესო სტატია შემოგვთავაზა:

“ქართველი მოთამაშე, მიუხედავად სოციალურ ქსელში მისი გარემოცვისა და ოსიმენის დაპირისპირებისა, მაინც რჩება ვალტერ მაძარის ერთ-ერთ საყვარელ მოთამაშედ. მწვრთნელი კვარაცხელიას დიდხანს ესაუბრა სასტუმროში და აუხსნა, რომ ფრთხილად უნდა იყოს და პროვოკაციებს არ აყვეს. მაძარიმ კარგად იცის, რომ კრიზისიდან ამოსასვლელად ფორმის პიკში მყოფი კვარაცხელია დაეხმარება”. - წერია სტატიაში.

ცნობისთვის, ხვიჩა კვარაცხელიამ მიმდინარე სეზონში ჩატარებულ 25 შეხვედრაში 5 გოლი გაიტანა და 4 საგოლე გადაცემა შეასრულა.