"ნაპოლიმ" კვარას შემცვლელი იპოვა? - ქართველი კლუბიდან წასვლის გზას ადგას

იტალიურ მედიაში ხვიჩა კვარაცხელიას შესახებ ახალი ინფორმაცია გავრცელდა.

როგორც ირკვევა, "ნაპოლიმ" ქართველის შემცვლელის ერთ-ერთ ვარიანტს მიაგნო.

საუბარია ადემოლა ლუკმენზე, რომელიც ამჟამად "ატალანტას" ღირსებას იცავს.

იწერება, რომ ნეაპოლელები ბერგამოულ გუნდთან მოლაპარაკებებსა და ქართველისა და ნიგერიელის პოტენციურ გაცვლაზე შეთავაზებას გეგმავენ.

აქვე აღსანიშნავია ისიც, რომ "ატალანტას" თავდამსხმელმა ევროპა ლიგის ფინალში ჰეთ-თრიქი შეასრულა და 51-მატჩიანი დაუმარცხებელი სერიით მოასპარეზე "ბაიერ ლევერკუზენი" პირადად გაანადგურა.

ცნობისთვის, ლუკმენს იტალიურ კლუბთან ამჟამინდელი კონტრაქტი 2026 წლამდე აკავშირებს.