თურქმა ფანმა 100 000 თურქული ლირა არ დაინანა - რა ფსონი გააკეთა საქართველოს მეტოქემ პირველ მატჩზე

ევროპის ჩემპიონატის F ჯგუფის გახსნითი მატჩი 18 ივნისს "სიგნალ იდუნა პარკზე" შედგება, სადაც ერთმანეთს თურქეთისა და საქართველოს ნაკრებები დაუპირისპირდებიან.

მერვედფინალში გასვლის პრეტენზია ორივე გუნდს უნდა ჰქონდეს, ამიტომ წინ უშეღავათო ბრძოლა გველოდება. დიდ ფორუმზე "ჯვაროსნები" ისტორიაში პირველად ითამაშებენ, რაც სასტარტო მღელვარებას აუცილებლად მოიტანს, თუმცა ჩვენს გუნდს რომ წნეხის ქვეშ თამაში აღარ უჭირს, ეს მარტის შეხვედრებშიც გამოჩნდა.

თურქი გულშემატკივრები მომავალ დაპირისპირებას ფრთხილი ოპტიმიზმით უცდიან, მაგრამ არიან გამონაკლისებიც. მაგალითად, ერთ-ერთი ქომაგი იმდენადაა დარწმუნებული მათ გამარჯვებაში, რომ ვინჩენცო მონტელას კოლექტიცის მოგებაზე 100 ათასი თურქული ლირა განათავსა.

აღნიშნული თანხა დაახლოებით 8600 ლარის ექვივალენტია.

იმედი ვიქონიოთ, ამ ადამიანს პროგნოზი გაუცრუვდება, იქამდე კი შეგახსენებთ, რომ აღნიშნული შეხვედრა თბილისის დროით 20 საათზე დაიწყება.