ტრავმა მატჩის წინა დღეს - ესპანეთის საქართველოსთან კიდევ ერთი მნიშვნელოვანი ფეხბურთელი დააკლდა

ესპანეთის ეროვნული ნაკრების ნახევარმცველმა დანი ოლმომ საქართველოსთან შეხვედრის წინ გამართულ ვარჯიშზე ტრავმა მიიღო.

"ბარსელონას" ფეხბურთელმა სავარჯიშო პროცესი უკანა კუნთის დაზიანების გამო ნაადრევად დატოვა, რის გამოც მისი თამაში ხვალინდელ შეხვედრაში საეჭვოდ ითვლება.

ესპანური მედიის ინფორმაციით, გუნდის სამედიცინო შტაბი ოლმოს მდგომარეობას დააკვირდება და საბოლოო გადაწყვეტილება მატჩის დღეს, ანუ ხვალ მიიღება.

შეგახსენებთ, რომ ესპანეთის ნაკრები საქართველოსთან მატჩს დიდი დანაკლისით ხვდება.

მატჩს გამოტოვებენ ნაკრების ერთ-ერთი ლიდერები, ლამინ იამალი, ნიკო უილიამსი, დანი კარვახალი, დინ ჰუისენი, როდრი და ფაბიან რუისი.

მოგეხსენებათ, მსოფლიოს 2026 წლის ჩემპიონატის საკვალიფიკაციო ეტაპის მესამე ტურში ერთმანეთს ხვალ ესპანეთი - საქართველო  დაუპირისპირდებიან.

ცნობისთვის, მატჩი ჩვენი დროით 22:45 წუთზე დაიწყება.