არეულობა თურქეთის ნაკრებში საქართველოსთან მატჩის წინ! - რომელმა ფეხბურთელმა დატოვა შეკრება საკუთარი ნებით

"ეროვნული ნაკრების ერთ-ერთმა მეკარემ, ბერკე ოზერმა, სტამბოლში დაბრუნებისთანავე, საწვრთნელი ბანაკი ნებაყოფლობით დატოვა. ბულგარეთთან მატჩის განაცხადში ვერმოხვედრის შემდეგ მან ტექნიკური და ადმინისტრაციული პერსონალის ნებართვის გარეშე ნაკრები დატოვა.  როგორც წარსულში არაერთხელ ითქვა, ეროვნული ნაკრების მაისურის ტარების პასუხისმგებლობა და ღირებულება ყველაფერს სცილდება. ჩვენი გუნდი ერთიანია, რომელიც ქვეყნის ღირსებას წარმოადგენს და ინდივიდებზე მაღლა დგას. ამიტომ, დისციპლინა, პატივისცემა და გუნდური სულისკვეთება - ჩვენი ყველაზე ფუნდამენტური პრინციპებია, რომლებსაც არასდროს მივატოვებთ. იმ დროს, როდესაც თავგანწირვით ვიბრძვით მსოფლიოს ჩემპიონატზე მოხვედრას, რაც მრავალი წლის განმავლობაში დიდი ხნის ნანატრი მიზანია და როდესაც გუნდში ერთიანობა და სოლიდარობა პიკზეა, ასეთი საქციელი მიუღებელია. ბერკე ოზერის საწვრთნელი ბანაკიდან წასვლის შემდეგ, შემადგენლობაში ბაშაკშეჰირის ფეხბურთელი მუჰამედ შენგეზერი გამოიძახეს".