"ესპანეთთან მისი თამაში საშინელება იყო" — სანიოლმა განმარტა, რატომ არ გამოიძახა დვალი ნაკრებში 

საქართველოს ნაკრების მთავარმა მწვრთნელმა ვილი სანიოლმა გაამხილა მიზეზი, რის გამოც ლაშა დვალი ნოემბრის მატჩების განაცხადს მიღმა დატოვა.

ფრანგი სპეციალისტის თქმით, დვალთან საუბრის შემდეგ მიხვდა, რომ ფეხბურთელი საკმარისი მოტივაციით აღარ მუშაობდა:

“როდესაც ლაშა დვალს ვუთხარი, რომ ესპანეთთან მისი თამაში საშინელება იყო და ვცადე, ეს ამეხსნა, მან ცუდად მიიღო ეს შენიშვნა — სწორედ ამიტომ არ შევიყვანე განაცხადში,” – განაცხადა სანიოლმა.

მან ასევე აღნიშნა, რომ დვალი ევროპის ჩემპიონატზე და მის წინ, საბერძნეთთან ფინალში, საუკეთესო ფეხბურთელებს შორის იყო, თუმცა შემდეგ მოტივაციის პრობლემა დაეწყო:

“ლაშა შესანიშნავად თამაშობდა ევრო 2024-ზე, მაგრამ შემდგომ იგივე მონდომებით ვარჯიში გაუჭირდა. ეს გადაწყვეტილება ერთგვარი სიგნალია მისთვის — უნდა იპოვოს ძველი ენერგია და მოტივაცია.”

ბოლოს სანიოლმა დაამატა, რომ დვალისთვის ნაკრების კარი კვლავ ღიაა, თუ ფეხბურთელი მზად იქნება ძველი ფორმით დაბრუნდეს.

შეგახსენებთ, საქართველოს ნაკრები ნოემბრის სანაკრებო პაუზაზე ორ მატჩს გამართავს.

15 ნოემბერი, საქართველო 🆚️ ესპანეთი

18 ნოემბერი ბულგარეთი 🆚️ საქართველო