საქართველოს ნაკრების სავარაუდო სასტარტო შემადგენლობა ესპანეთის წინააღმდეგ

როგორც მოგეხსენებათ, 15 ნოემბერს 2026 წლის მსოფლიო ჩემპიონატის საკვალიფიკაციო ეტაპის მე-5 ტურში საქართველოს ნაკრები ესპანეთს დინამო არენაზე უმასპინძლებს.

მატჩი 21:00 საათზეა ჩანიშნული.

ჩვენი გუნდისთვის მომავალ მატჩებს მხოლოდ პრესტიჟული მნიშვნელობა აქვს, რადგან მეორე ადგილზე გასვლის მხოლოდ თეიორიული შანსი თუ არსებობს.

აღსანიშნავია, რომ ჯვაროსნების 25-კაციან სიაში ვილი სანიოლმა მხოლოდ 5 მცველი გამოიძახა, რაც შესაძლოა პრობლემა გახდეს.

გთავაზობთ საქართველოს ნაკრების სავარაუდო სასტარტო შემადგენლობას ფურია როხას წინააღმდეგ:

მეკარე: მამარდაშვილი.

მცველები: გოჩოლეიშვილი, გოგლიჩიძე, ლოჩოშვილი, წიტაიშვილი.

ნახევარმცველები: კიტეიშვილი, ქოჩორაშვილი, მექვაბიშვილი.

შემტევები: დავითაშვილი, ზივზივაძე, კვარაცხელია.