ვინ არის ილია ბერიაშვილი, რომელიც ბულგარეთთან მატჩში საქართველოს ნაკრებს შეუერთდება

როგორც მოგეხსენებათ, ვილი სანიოლმა ბულგარეთთან მატჩისთვის საქართველოს ნაკრებში ილია ბერიაშვილს უხმო.

ილია ამჟამად MTK ბუდაპეშტის ღირსებას იცავს.

27 წლის ცენტრალური მცველი მიმდინარე სეზონში საკმაოდ კარგად  გამოიყურება.

მან უნგრეთის ჩემპიონატში 8 მატჩიდან რვავე ძირითადი შემადგენლობიდან დაიწყო და თავი კარგი პერფორმანსებით გამოიჩინა.

მისი გუნდი სატურნირო ცხრილში 20 ქულით მეოთხე პოზიციას იკავებს.

მანამდე ილია უნგრულ მეზოკოვეჩში თამაშობდა, იქამდე თელავის ღირსებას იცავდა.

აღსანიშნავია ისიც, რომ მან 2021-21 სეზონი როტორის ვოლგოგრადში გაატარა, სადაც 27 მატჩში 3 გოლის გატანა მოახერხა.

რაც შეეხება სანაკრებო კარიერას, ილიას 21-წლამდე ნაკრებში 9 მატჩი აქვს ჩატარებული. ეროვნულ გუნდში კი ეს მისი სადებიუტო გამოძახებაა.