"საქართველოში ქუჩაში მშვიდად გადაადგილება მიჭირს, რადგან..." - ვილი სანიოლის ემოციური სიტყვები საქართველოზე

"აქამდეც მითქვამს - ჩემს ყველა ტიტულს და საერთოდ ყველაფერს, რაც გამაჩნია, იმ 4-თვიან პერიოდზე გავცვლიდი, როდესაც ევროპის ჩემპიონატზე ვითამაშე, ეს საქართველოსთვის დიდი მიღწევა იყო.

როცა საქართველოში ვარ, ქუჩაში მშვიდად გადაადგილება მიჭირს, რადგან ხალხი მაჩერებს და დაწერილ ისტორიაზე ღიმილიანი სახით მიყვება. ასეთ დროს ხვდები, რომ ქართველი ხალხი ბედნიერი და ამაყია.

მახსოვს, რომ როდესაც საქართველოს ეროვნულ ნაკრებში მუშაობა დავიწყე, მძიმე პერიოდი იყო. კოვიდის გამო სასტუმროში, სადაც ვცხოვრობდი, 300 ნომრიდან მხოლოდ 5 იყო დაკავებული. მე და ადელ შედლი სასტუმროს ვერ ვტოვებდით, მატჩებს ვუყურებდით და ფეხბურთელებს ვაკვირდებოდით”.