"არის პოზიტივი, და გეტყით რაც..." - რა დაინახა რამაზ სვანაძემ ჩრდ. ირლანდიასთან

საქართველოს ნაკრების მთავარმა მწვრთნელმა, რამაზ სვანაძემ ჩრდ. ირლანდიასთან მატჩის (0:0) შემდეგ ისაუბრა:

“ძალიან რთული ფსიქოლოგიური მდგომარეობა გვაქვს, არავისთვის არ არის მარტივი ის ფაქტი, რომ ოთხ თამაშში გოლი არ გაგვიტანია, თუმცა არის პოზიტივი, რაც მეორე ტაიმში დავინახეთ.

პოზიტივი ის არის, რომ ახალი ფეხბურთის თამაში დავიწყეთ, ახალი სტილით და ახალი ტაქტიკით, რასაც, რა თქმა უნდა, დრო სჭირდება და უნდა განვავითაროთ.

დარწმუნებული ვარ იმაში, რომ ნოემბრის მატჩებში ჩვენი თამაშის ხარისხი ბევრად მაღალი იქნება!”