ვინ გაიტანს გოლს კვიპროსის წინააღმდეგ - სუპერკომპიუტერმა უცნაური პროგნოზი გააკეთა

როგორც მოგეხსენებათ, საქართველოს ნაკრები ხვალ კვიპროსის ეროვნულ გუნდს დაუპირისპირდება. 

ევრო 2024-ის შესარჩევი ეტაპის მე-7 ტურის ეგიდით გასამართ შეხვედრას ვილი სანიოლის გუნდი 4, ხოლო თემურ ქეცბაიას კოლექტივი - 0 ქულით ხვდება. ცხადია, ქულათა მარაგის გაზრდის ამაზე უკეთესი შანსი გუნდებს აღარ ექნებათ.

კვიპროსელები მთავარ საფრთხეს ხვიჩა კვარაცხელიას, ზურიკო დავითაშვილისა და გიორგი მიქაუტაძისგან ელოდებიან, თუმცა თუ სუპერკომპიუტერს დავუჯერებთ, ხვალ გოლს სულ სხვა ფეხბურთელი გაიტანს.

საუბარია საბა კვირკველიაზე. სუპერკომპიუტერის პროგნოზით, ქართველთა ერთადერთ გოლს ხვალ სწორედ 31 წლის მცველი შეაგდებს.

შეგახსენებთ, რომ მატჩი თბილისის დროით 17 საათზე დაიწყება.