როგორც მოგეხსენებათ, "ნაპოლიმ" 2020 წელს ფრანგული "ლილიდან" ახალგაზრდა შემტევი, ვიქტორ ოსიმენი დაიმატა, თუმცა როგორც ჩანს, "პარტენოპეის" ფრანგული გუნდისთვის სატრანსფერო თანხა, 70 მილიონი სრულად არ გადაუხდია.

სწორედ ამიტომ FIGC-ის პროკურორი, ჯუზეპე კინემ "ნაპოლის" მიერ ჩადენილი სავარაუდო ყალბი აღრიცხვის დოკუმენტები მოითხოვა.

იტალიურ მედიაში არსებული ცნობებით, ნეაპოლის პროკურატურამ ოსიმენის საქმეზე სამუშაოდ 6 თვე მოითხოვა.

საგულისხმოა, რომ მსგავს სკანდალში არაერთი იტალიური გრანდია გახვეული. ერთ-ერთი გახმაურებულო ფაქტი კი ტურინის "იუვენტუსის" მაგალითი გახლავთ, რომელთან სატურნირო ცხრილში 15 ქულის დაკლება ემუქრებათ.